Patrice / Papang Conteur
Guezello

Na sat i di Papang voler, soman boudikont sel zafer mi anpret (mi volpa) lé zot zorey ek zot ker. Na sat i di Papang lé rapyang, soman lerk mi rakont mi donn, mi markpa dann karné. Na sat i di Papang na logou kozé, li natgou rakonté : vréminm sa oté ! Amwin Papang zanfan mon Papa volkan, mon monmon Lafrik. Amwin Papang, marmay laravine, marmay son pépé té i fini zamé son bann Zistwar akoz li té fine bwar son tikoutsek. Anou Zanariya, dann in péi, dann mon Péi, Péi-Zistwar ousa mi yinm rakont Listwar NOUT Péi. Dann bal mon kozé, mwin linvit Tizan, son “dalon” Grandyab, Bondyé Zana, Anchaing sanm Héva ek in bonpé ek in paké ankor. Na Satmaron osi la débarké san domandé, na torti kasyet dan tant vakwa la rantré. Néna osi Lorwa i apelpa Martin kinm li rod po fé lalwa. Marmay, baro mon bous lé rouver, lodan i mordpa, rant azot, ma pamine azot an Kosa-in-Soz, an Gramoun-la-Di, an kansréti, séres, inn tigigine. Tigine - Grangine ala Papang la ni po rakont azot in Zistwar. Dipa manter, sansa ma di : … Wiva ! Zot i koné kosa ma di : “lapa mwin loter” soman eksa ma met mon bout é ma rouver mon bekzwazo po di : “soman amwin, Papang Rakonter-Zistwar”.

Kri amwin, artrouv amwin si in twalbib dann “cloud” konmdi zanglé, ansev di nyaz konmdi domoun Zanariya.
É mwin la mont si in Krik !
Azot ?

https://www.papangconteur.com/

Vidéo

Signaler un abus ou une erreur
www.koze-conte.com - Actualité du conte et de la littérature orale à l'île de La Réunion et dans l'Océan Indien

» ACCUEIL » CONTEURS » SPECTACLES » STAGES » ACTUALITÉS » AMIS » RESSOURCES » L'ASSOCIATION » CONTACT

Association Kozé Conté - Siège social : 35 Rés Les Pentes de La Source, 8 allée des Girasois, St Denis
Siret 484 715 404 00022 - Licence spectacle 3-1038184 - APE 9499Z

MENTIONS LÉGALES